شرح تايير بناتى روعه بالكروشيه

وجدت بسم الله ما شاء الله طقم رائع جدا

  الاخت الكريمه وضعت الموضوع بالشرح

جزاكى الله اختى كل خير 

بسم الله الرحمن الرحيم
نبدا شرح الجيبه
الجيبه بتيدئيها من فوق من عند الوسط
وبتبتدي بعدد من السلاسل يقبل القسمه علي 16
انا ابتديت ب96 سلسله ومتوقعه ان الجيبه تطلع مقاس بنوته سنه او سنه ونص ههههههه اصلي ماعنديش حد اقيس عليه
دي البدايه بتعملي سلسله بالعدد المطلوب حسب المقاس اللي انتي عايزاه باللون الاخضر (وممكن ابيض او اي لون حسب الرغبه)

بتقفلي البدايه مع النهايه لعمل حلقه =دوران الوسط +شويه وسع علشان لما تركبي الشريط او الاستك
- اعملي سطر او دوره بغرزه الحشو وممكن تستغني عنها بس انا باحب اعملها علشان البدايه تكون ماسكه نفسها
اشتغلي في دوائر واقفلي نهايه كل سطر بمنزلقه في اول سلسله من ال3سلاسل للبدايه
ابدئي كل سطر ب3سلاسل ودي بديل عن اول عمود في السطر
اشتغلي عدد من الاسطر بغرزه العمود حتي تصلي اي طول الوسط الساقط او التاي باس اللي بتقدريه تبع المقاس وانا عندي اشتغلت لغايه الطول ده

بعد كده بنبدا السطر اللي بنعمل فيه الكشكشه او الفلونات
في الورشه الاصليه عاملين عدد سلاسل البدايه 160 يعني عدد مرات تكرار الباترون 10 مرات وكده الجيبه فيها 10 اماكن للفلونه او الزياده اللي بتعمل فلونه كده

وبيكون شكلها كده في الجيبه

انا عملت 96 سلسله وكده تكرار الباترون عندي 6مرات يعني عندي 6نقط للزياده

ودلوقت اشرح الباترون للزياده او الفلونات

السلام عليكم ورحمة الله وبركاته

نبدا السطر اللي حانعمل فيه الغرزه

بتطلعي ب3سلاسل ثم عمودين في نفس الغرزه (كله في اول غرزه من السطر)ثم سلسلتين -ثم 3عمود فوق العمود التالي(كده عملتي اول مروحه )- سلسله-

كده

(سيبي عمودين واعملي 3عمود في ثالث عمود- سلسله )

كرري مابين القوسين 3مرات كمان وكده حايكون عندك 4وحدات بين كل وحده ووحده 2عمود وفي اول السطر المروحه

لو عديتي عدد الاعمده اللي عملتي عليهم الغرزه حاتلاقيهم 14 وسيبي عمودين وابدئي مروحه اخري كده الباترون بيكون علي 16 عمود

كرري مروحه علي العمودين التاليين ثم 4وحدات وهكذا حتي نهايه السطر ينتهي ب4وحدات ثم سيبي اخر عمودين في السطر واقفلي بغرزه منزلقه في اول سلسله من ال3سلاسل البدايه

السطر التالي

بغرز منزلقه عدي حتي الفراغ المكون من سلسلتين في المروحه الاولي ثم اعملي 3سلاسل كاول عمود

اعملي عمودين ثم سلسلتين ثم 3عمود ثم سلسله وكده عملتي اول مروحه

في اول فراغ بين المروحه واول وحده في السطر السابق اعملي 3عمود ثم سلسله -ثم في الفراغ التالي 3عمود ثم سلسله وهكذا حتي تصلي الي المروحه التاليه بتعملي فيها زي اول مروحه في السطر وتكرري لغايه اخر السطر تقفلي بمنزلقه

ولو لاحظتي عدد الوحدات بين المروحتين زادوا وحده واصبحوا 5 وحدات
وكرري السطر ده للطول اللي انتي عايزاه

وده الباترون
 
شوفوا يابنات ده شغل البنات في المنتدي الروسي
شوفوه كده ولاحظا انهم مش بيلتزموا بالشكل الاصلي للطقم لا بيتصرفوا كل واحده وذوقها
  شوفوا هنا عاملين التوب تريكو
 
ونكمل

ده منظر الجيبه بعد كذا سطر بالفلونات

وده الشكل النهائي للجيبه

وده شكل الورده من قرب

وباذن الله نشرح الورده وورقه الشجر والكرانيش اللي علي الحرف باللونين الروز والاحمر الغامق

شوفوا ياقمراتى شويه باترونات لورود ولكي الحريه تعملي الورد علي ذوقك

ورقه الشجر بالمقاس اللي انتي عايزاه وفي المتوسط بتعملي 10سلاسل

ثم تعملي سلسله للدوران وتعملي غرزتين حشو ثم غرزتين نص عمود ثم2 عمود ثم 2نص عمود ثم 2حشو وتلفي وتكرري في الجهه الاخري من السلسله

الفلونات بقي بسرعه كده انا عملتها بالطريقه دي

عندنا الوحدات المكونه من 3عمود لكل وحده

بتشبكي الخيط بين وحدتين في اي مكان وتعملي 5سلاسل وتشبكيهم بغرزه حشو بين الوحدتين التاليتين وتكرري لغايه ماتخلصي السطر ده

السطر التالي بتعملي 10 عمود في اللوب المكون من 5سلسله علي مدار السطر

السطر التالي باللون الاحمر الغامق بتوصلي الخيط فوق اول عمود في اي وحده وتعملي 3سلاسل وتشبكي بغرزه حشو في العمود التالي

بالنسبه للبادي فيه غرز كتير ممكن تشتغليه بيها منها الغرز دي

انا اشتغلت بالغرزه دي

وقبل مااقول انا عملت ايه احب اعرض عليكوا شويه موديلات للطقم البنات عاملينها علشان تديكوا حريه في الاختيار والتنويع

شوفوا هنا الحرده مربعه

وهنا جيليه مفتوح

وشوفوا برضه الحرده دي

دي بقي عملت الجيبه بس

وشوفوا جميله ازاي في اللبس

السلام عليكم ورحمة الله وبركاته

البادي

بتبدئي علي عدد سلاسل يقبل القسمه علي 8+1لغرزه الحشو للبدايه للسطر الثاني

خدي مقاس دوران الصدر للبنوته وقربيه للمطلوب ولاحظي انك حاتشتغلي التوب علي بعضع الصدر والضهر دوران وتعمليه مفتوح علشان مش يزهق في اللبس والخلع

ابدئي السلاسل

السطر التالي غرزه حشو-* سيبي 3سلاسل- اعملي 9عمود في السلسله الرابعه- سيبي 3سلاسل واعملي غرزه حشو في السلسله الرابعه * وكرري مابين العلامتين حتي اخر السطر وينتهي بغرزه حشو

السطر التالي ارتفعي ب3سلاسل بيمثلوا اول عمود ثم عمود في نفس الغرزه -* سلسلتي-اعملي غرزه حشو في خامس عمود من ال9 عمود التاليه(العمود في المنتصف)- سلسلتين- (عمود-سلسله-عمود)في غرزه الحشو التاليه- * وكرري مابين العلامتين*و*حتي اخر السطر وينتهي بعمودين في غرزه الحشو الاخيره

السطر 3- 3سلسله ولفي- 4عمود في نفس الغرزه- *غرزه حشو في غرزه الحشو اللي عملتيها في العمود الخامس من المجموعه المكونه من 9عمود - 9عمود في السلسله اللي بين العمودين في السطر السابق * وكرري مابين العلامتين*و* حتي اخر السطر تنهيه ب5عمود في غرزه الحشو الاخيره

كرري ال3سطور حتي يصل طول البادي او التوب للطول اللي انتي عايزاه وتبتدي تقسمي للحرده

ايه رايكوا الشرح واضح

انتي بتعملي لغايه ماتوصلي للطول اللي انتي عايزاه

يعني زي ماشفتي في تطبيقات البنات اللي في الورشه الروسي عاملين اطوال مختلفه للبودي

المهم لما توصلي للطول المناسب وتخلصي السطر

في الراجع بتقسمي الوحدات اللي عندك يعني لو عندك 10 وحدات بتخلي 5 للامام و2ونص لكل جانب من الضهر وعلي اعتبار انك حاتعملي مرد في الضهر للزراري يزود الضهر شويه ممكن تعمليهم 6 و2و2

انا قسمت التقسيم الاول فوق السطر المشار له بالسهم الاسود يعني بتعملي غرزه حشو ثم سلسلتين ثم عمودين بينهم سلسله بين المروحتين من السطر السابق ثم سلسلتين ثم غرزه حشو في خامس عمود من ال9 عمود في السطر السابق(المروحه) ثم سلسلتين ثم عمودين بينهم سلسله بين المروحتين ثم سلسلتين ثم غرزه حشو ولفي (كده اخدتي وحدتين ونص الوحده سبتيه للحرده )نص في اول السطر ووحده ثم نص الوحده التاليه وسبنا النص الاخر للحرده وده عند العلامه اللبني

بتطلعي للسطر اللي بعده وتمشي كده 5سطور وتقفلي

اعملي الناحيه التانيه زيها

وبعدين اعملي الامام من منتصف المروحه التاليه عند العلامه البينك التاليه لغايه النقطه المماثله من الناحيه الاخري واشتغلي لحد ماتوصلي لنفس طول منتصفي الظهر

منقول لعيونكم