طريقه عمل القبعه بالنول الدائرى

بسم الله الرحمن الرحيم

مستوى المهارة : هو مبتدئ

رح ابدا الشرح بالنول الدائري الازرق ذو 24 مسمار وهذا المقاس يناسب مقاس بيبي
اما انتي جمون فلازم تستعملي المقاس الاكبر لي هو الاحمر وكل ماكبر العمر يكبر مقاس النول

القبعة كتير سهلة وهلا رح تشوفوا هالشي والدليل اني اشتغلتها بدون باترون

الخطوات:

1-نبدا بصف الغرز على النول من اليسار الى اليمين بالطريقة العادية لي هي باتجاه عقارب الساعة

2-نتذكر دائما لما نشتغل اي قبعة لازم نشتغل بشكل دائري متصل يعني اتجاه شغلنا كلو بكون من اليسار لليمين بكل الاسطر باتجاه عقارب الساعة
فاذن الان رح نشتغل الكمر للقبعة و اول سطر رح نشتغلو غرزة عدلة لجميع الغرز حتى نصل الى اخر غرزة
بعد اللف منسحب الخيط على اول غرزة لفينا عليها نضع الخيط امام المسمار ومنشتغل الغرزة

3-نشتغل عشرة اسطر بالغرزة العدلة
اتعودنا بشغل القبعات نثني الكمر بعد شغله ولكن الان لن نثني الكمر حتى نحصل على الشكل الظاهر بالصورة للقبعة وهي كانها ملفوفة رح نترك الكمر بدون ثني وهو رح يلف بشكل تلقائي بعد شغل عدة اسطر ومن الافضل في شغل هذه القبعةان يكون الخيط كتييييييير سميك حتى تظهر بهلاشكل

وهاي صورة الكمر من الاسفل

وهاي من جوا

يلا اشتغلوا الكمر وبرجع بكمل بعد شوي

4-نشتغل غرزة التويست ل 12 سطر للمقاس البيبي اما ممكن نشتغل بين 15 و 20 سطر للمقاس الاكبر
ومنعتمد اكتر على القياس للتاكد

وطبعا ماننسى قلب الغرز بعد كل لفة

شوفي كيف قلب الكمر لوحده

5-بعد الوصول للطول المناسب منترك مسافة من الخيط تقريبا 10 سم ومنقص الخيط

6- نعبي الخيط بابرة الخياطة

7-ندخل الابرة باول غرزة على اول مسمار

وبعدين بالغرزة التانية والتالتة والرابعة وهيك لاخر الغرز يعني منعبيهم بالخيط بعدين منطلع الغرز من المسامير

نشد الخيط حتى نزم القبعة

ندخل الخيط جوا القبعة ومندخلو بالخيوط حتى مايبين

وهاي القبعة

 

حن خلصنا القبعة وماباقي غير نعمل العصاية لي حاطينها فوق القبعة وهاي اختيارية ممكن تعمليها وومكن لا مافي مشكلة هي للزينة فقط وانا اخترت اني مااعملها فضلت تبقى القبعة بدونها وومكن انتي تعملي وردة وتحطيها عليها يعني اختاري طريقة التزيين على كيفك

منقول